عجبى على ناس
مشيوا الدنيا
وداسوا على الناس
وصلوا لأخر المطاف
ونسيوا إن الدنيا
متر قماش
دأنا لما جيت الدنيا
لفونى فى متر قماش
وكبرت وخط شنبى
وتعاليت على الناس
ولفيت كثير
وفى النهاية
لفونى فى متر قماش
وتحت التراب رمونى
ومشيوا من جنبى
وسابونى لدود
ينهش لحمى
وثعبان أقرع
يضرب بى الأرض
وأنا اللى كنت
فى زمانى
أقوى الناس
وعجبى على
دنيا الناس
بقلمى عبدالمنعم عدلى
ليست هناك تعليقات:
إرسال تعليق