((الله يسامحك ))
الله يسامحك
يازمن
إحنا الغلابة
واحنا اللي بندفع تمن
طول عمرنا
نشقى ونبيع نفسنا
لعم الزمن
كان فيه أمل
يجينا يوم
يمحي همومنا
ونحس فيه
إنا أتولدنا
وبيه ندوس
على عنطظة
عم الزمن
وايه العمل
واحنا اللي مكتوب
فوق الجبين
عننا كمالة عدد
مالناش سند
طحنا الشقا
واكلنا الغلا
والفقر بس
لينا اتولد
كتوف عرايا
ع البطون بنتجلد
وبنتجلد
بدل الشبع
مادام رغيفنا
من ظروفنا بيتوجع
يااااااااااه
تصدق زمان
إن الرغيف
كان بره دايرة الهلع
وباقي ايه
قلبي عليه
راح يتوجع
حتى الكلاب
تهز ديلها للغني
وتيجي عندنا
تعض فينا
ما تتوجع
الله يسامحك
يازمن
الصحة راحت
والعمر فينا
ضاع معانا
وما رجع
بقلمي
نبيل عبد الحليم
١٦/٣/٢٠٢٢
ليست هناك تعليقات:
إرسال تعليق