( عبايتي )
ماانت دايما
كنتي جارحه
تعصري قلبي الحنين
ينزف بحبك
وانت شاهده
وتقوليلي كنت عارفة
فاكره يوم ما مسكت
ايديك وانا كنت
ناوي عالوجع اعدي
وانت عماله تكتبي
عالسطر المي وانا
اكتبك غنوة بقلمي
ياللي دائما
كنتي ناسية
أن حضني
هوه حبي
بس كان تايه
في حزني
ولما فاق شافك
في آخر طريقي
نفسه يوم يعدي
علي حب ضاع
ولو هيضحي
ماانت دايما
كنت قاسية
فاكرة يوم ما
عشقتك وانت خنتي
اوعي تفتكري
اني انتهيت ده
انت اللي هنتي
آه اصرخ واقول
يامين
يرجع عبايتي
كنت بلبسها
تديني هيبة
تسمعي كحتي
تتحولي لشيبة
معلش ماانا
اللي حبيتك
وبشعري وديتك
ومن عجزك قويتك
وفي الحب منيتك
وانت النهاردة بتكسريني
ومن المر بتدوقيني
عالاحزان كل
يوم بتعرفيني
وانت دايما بتكرهيني
حلوه دموعي
قدمتهالك علي
طبق من فضه
بطعم المر
خلاص المولد اتفضه
وكان ياما كان
حكايه انسان
من الحنان اتفضه
معلش هيه الحياة
ايه غير غلطه.
تأليف //////. وائل أصيل
ليست هناك تعليقات:
إرسال تعليق