كم سنه عدت وسط الزحام
والقلب أصبح جيش رخام
انا حزني متداري ف كلام
محشور بين طرف الأيام
علي طرف لساني العاجز
مشاوير بتكمل بعضها
والسكه تعاتير وضلام
وملامح مش واضحه
عكاز مسنود متلصم
من دمع العين يتألم
ماهو عارف رغم الكتمان
الضحكه بترفض أنها
توصل للقلب رغم اني
كنت موعدها زمان
انها كل احبابي لكن
رافضتني وسابت
قلبي للحرمان
انا عاشق للنور والضي
وإن طال غيابه مصيره
في يوم جاي احلى
من الاول بكتير
وساعتها الورد هيصبح بنداه
وزقزقة العصافير وياه
هتزق خيوط الغم وفرجه قريب
انا راضي ياربي بالمكتوب
متاكد اني في كتاب خير
ولا لي سواك رب كريم
بقلمي ✍️ شيرين ابوعميرة 🌺
ليست هناك تعليقات:
إرسال تعليق