أنا بأعتزر
من غير م ترسم
وش عمرك ع الإزاز
أو صفحة الميّه
اللى بتعكر ف الليالى
والطريق هّزاز
إنت اللى بتكرر
مكانك
ف المجاز
وبتدلي
أوصاف النهار
جوّه الحوار
لو فاز لُقا
وإن كان هناك
قلب الشقا
واخد قرار
أو فات معاك
قلق اللي تاه
طعم المسا
وكاس المرار
أنا بأعتزر
أنا ب إعتزار العمر
عن هذا الأسى
سجلت
لمحة لإعتراض
على صفحة الليل
والأسف
سجلت
روح الإعتراض
ورسمت بوح
لمعاد جديد
مني إتخّطف
ولو الحيا
فات الوحيد
قلبي العنيد
وحمة سفر
أنا ح ارسمك
ياشط
بحر من الضّيا
عاش ع الصُدّف
أنا..ح أرسمك
مهما إختلف
بيك الطريق
راضع
مسافات الحياه
من غير دليل
من غير قمر
من غير م أقرّب
عمر يأنس بالخطر
من غير مطر
عين الحنين
م يمد
وياه اللي تاه
ريق الشجر.....!!!!!!!!
شعر
صلاح محمود عفيفى
ليست هناك تعليقات:
إرسال تعليق