غزال وشرب الدخان
مش خايف م السرطان
(صدره) ياناس مليان
نيكوتين ويا القطران
قلتله بلاها سجاير
راحت أحلى ضفاير
خسيت ياحلو كتير
م الكحة وم التشخير
تقع من أوطى سرير
ومتجريش ربع الفدان
غزال وشرب الدخان
قالي عاوزني أبطل؟
تعالى وديني المعمل
أحلل ضغط وسكر
سندني يمكن أقدر
وإديني البوسة وكتر
وهات لي من الرمان
غزال وشرب الدخان
قلتله أبدا ما أبوسك
و (بقك) عيان بفلوسك
خايف عليك ياحبببي
أعالجك وإنت طبيبي
أصرف عليك من جيبي
وأبيع حتى الدكان
غزال وشرب الدخان
وجات التحاليل سلبية
وخايف المرة الجاية
الحلو أبوخد وشامة
مايسمع حتى ملامة
يهجرني بألف سلامة
ويشرب (شيشة) كمان
غزال وشرب الدخان
مش خايف م السرطان
زجل
كوميدي
ونقد ساخر
ل حربي علي
شاعر السويس
ليست هناك تعليقات:
إرسال تعليق