قالها جايه ؟
قالتلهُ أنا جايه
وجايه ورايا حصاوي الأرض
جايه ترد اللحن ورايا
لحلم حنين الطين والعرض
قالها مين مسكين وياكي
ده إنتي أساكي يفوق الحد
قالت لأ يا حزين إستني
دي الأوهام حواليك تتمني
إحلم وإجري وراها أتمني
ومتنساش جواها الوعد
قالها ننه النوم ف عنيكم
وإحنا جرحنا الطوق حواليكم
فارغه إديكم مفيهاش حد
حبة طوب وقلوب وحجاره
وقول مقلوب فاكرينهُ شطاره
والمكتوب قالبين حواديتهُ
وكهف الخوف طالعين بهُ عماره
قالت لأ ده تاريخ وإشاره
واللي يفك رموز الحاره
يبقي أكيد كسبان بمهاره
قالها كان والكان ده زمان
والمغلوب قفل الدكان
والأحزان حواليه بتطوف
قالت شوف
العجلين إتدبحوا خلاص
بالإخلاص مش بالمليتوف
واللي يكّدب عنهُ م صّدق
إن الزمن إن لف وطّرشق
مش ح يسيب منكم مهفوف
قالها إمتي يا نجمه وحيده
يالي سماكي وراكي بعيده
لسه معاكي الشوق تنهيده
وحاضنه الرعشه بيد الخوف
والمخطوف
مافي إيد ح تعيدهُ
قالت إحلم بكره نشوف...!!!
شعر
صلاح محمود عفيفى
ليست هناك تعليقات:
إرسال تعليق