حافظ على حلمك
رتب أفكارك وإحسبها العمر بسيط
وأوعاك بسهوله تسيب حلمك مع حد عبيط
وإسعى على حلمك وتملى محتاج تجديد
الحلم من أجل التنفيذ يلزمه تخطيط
إمشى مع الحلم فى خطواته لو حتى طويل
وأوعاك وفى وسط طريق حلمك على حد تميل
هتحس الحلم بمجهودك فى العمر جميل
وإن كان على هم الحلم إنت فلابد تشيل
لو قابلك يوم حلم مكعبل ومشاكله كتير
راجع خطواته هتلقاها محتاجه تعديل
وإياك لو كان يوم تقصيرك تعلن تبرير
هتلاقى مشاكل احلامك أكبر بكتير
ونصيحه علشان بينا محبه وبقالها سنين
حافظ على حلمك وتملى خليه فى الخير
راح تلقى حياتك بسعاده وبتزيد تقدير
وإن شاء الله هناك فى الاخره الجنه مصير
تحياتي/
مدحت لطفى عبدالعال
ليست هناك تعليقات:
إرسال تعليق