حق اللقمة والشاي
طول ما بتدورعلي حق اللقمة والشاي هتفضل تملي مخنوق
هتفضل دايخ في دنيتك تعبان من كترالحرمان للحلو ماتدوق
تتعب وتشيل هموم ودمعك يفضل محبوس وعمرك ماتفوق
تصحي علي كوابيس تقوم مفزوع ودمك بيغلي جوا العروق
ومش مرتاح من احزانك والحزن انكتب تضيع منك الحقوق
وهقول ايه وانت السبب باحزانك وتملي تبات دمك محروق
لو فكرت صح اتعلمت من دنيتك كنت عرفت انك المحقوق
رسمت دنيتك بطريق مغلوط اديك مسجون جوا الف طوق
دموعك.. بتنزف من نبع العيون ومستني الدنيا بكره تروق
تملي تكدب علي نفسك وانت مش عارف امته هتطلع فوق
خليك في جهلك ودورعلي حق اللقمة وانت شقيان مخنوق
الشاعر مدحت فضل
ليست هناك تعليقات:
إرسال تعليق