R c
شفت بعيني الموت ولمستُه
بيني وبينه يادوبك ساتر
أي والله بجد أنا شفته
لكن كنت بجد بعافر
جاي بعاني من أنفاسي
ونبض القلب ماهوش شغال
قالوا ضروري أكيد وأساسي
ياخد إبرة آوام في الحال
إبرة إيه اللي أنا راح آخدها
عايز حاجة تخّف الآه
قالوا دي إبرة شديد مفعولها
إسمها إبرة المُحاياه
ولاقيت نفسي في غرفة عليها
كان مكتوب كلمة إن...عاش
معروف اللي بيدخل فيها
جايز يعني مايستّناش
كام دكتور بإيديه شغال
وأنا عمال أصرخ وأنادي
يعني بعافر بإستقتال
وأنا مش شايف حد قصادي
وسط الغربة أنا وحداني
وبعد الله مين راح يرعاني
يعني لا أخ بإيده هايسند
ولا صحبة جانبي محاوطاني
حاسّس يعني بشدّة وكُربة
عايش من غير لمّة وصُحبة
كان لازم من عمري أدفع
يعني ضريبة سنين الغربة
اللي معاها سنين أخدتني
وخدت مني اكتر ما إدّتني
كانت يعني نتيجة الغربة
جوه الروح والقلب آذتني
حان الوقت إنّي أرجع تاني
بعد سنين قضيتها بعاني
وزي مايعني إخترت الغربة
ف أكيد يعني فيه ناس عيزاني
بقلم عبدالحميد وهبه
ليست هناك تعليقات:
إرسال تعليق