قلم/ السيد بدر
من غير ماتسأل أنا سيبت أيه
انا سيبت لك
كل حاجه عليك تليق
بنوته أيه فى الأدب
وأخ قلبه عليك شقيق
أظن ده يكفيك حبيبي
هديتي وعليك تليق
من غير ماتسأل سيبت أيه
أنا سيبت لك
.......
أسم لما يتنطق
يسعد مسامع يفرحك
قيمته من قيمه نشيد
وصوره لما العين تشوفها
فيها تمدح يتحاكى بيها
وسيره حلوه معطره
كنز مايقلش يذيد
........
من غير ماتسأل أنا سيبت أيه
كل حاجه سيبت لك
سيبت لك جوه البيوت
وماسيبتلكش بيوت
قلوب تحس بيك تحبك
ديما فى وشك تنفتحلك
لو صدفه عليها تفوت
........
أنا سيبت لك يابني
سيره زى الدهب
ديما بتضوى
مهما الزمن عليها يفوت
من غير ماتسأل أنا سيبت أيه
أنا سيبت لك .سيره أغلى
من كل الكنوز
وهى دى اللى عليك تليق
.........
ليست هناك تعليقات:
إرسال تعليق