بعَضّ...........عالجرح من الآلام
وما........قادر أوفي ب وعودي
وإترك....بلد العيشة فيها حرام
والطريق ببلدي عطول مسدودة
ببكي.....ع غدر الزمن والحكام
وأوقات......ببكي على وجودي
لا في.............رأفة ولا إحترام
ودمع...عم بذرف على خدودي
يا...عالم نحنا بشر مش أصنام
وهويتي....لبناني ومني يهودي
وضاع الأمل وضاعت الأحلام
ولذة...الحياة ما عاد موجودة
وبشعر أنا وهالشعب متل خِدّام
لزعامة...........للحكم مرصودة
وما بيعرفوا العصي من الأقلام
وما....بيعرفوا الرسم لحدودي
وبالبيت صرت إكتب هالكلام
وما عدت إشعر حتى بوجودي
ومقضيها..عبادة وصلا وصيام
لعلو..........ربنا يحلحل قيودي
ولحالي......عايش مع الأوهام
أفضل......من الحرية بالظلام
ببلد........الرئاسة فيه مفقودة
❤️إسحاق قشاقش ❤️
ليست هناك تعليقات:
إرسال تعليق