علي المكشوف
ما تيجي نلعب
عل المكشوف
ونوفر نص السكة
وبلاش الضلمة ويا الخوف
وتعالي من اول السكة
يا ما قولت كتير حكايات
وياما سمعت كتير روايات
حكايات الكدب ماليها
روايات الغدر ساكن فيها
وبرغم الكل حذرني
لقيت نفسي في أحضانك
ملففني
في سكة تايهة
و كدابة
في كل دروبها
وحواريها
وفي الأخر لقيت السكة
مسدودة
نشفت الدمعه من عيني
واتاريني
غرقت لوحدي في نهر
الخوف
وطلعت منه بأعجوبة
ومش شطارة ولا لهلوبة
لكني بأيماني قوية
وربي والله رب قلوب
ومن تاني
راجع وتقول و تزيد
وتعيد الكدبة من تاني
خلاص اللعب على
المكشوف
وما لكش في حياتي
مكان
روح يا ابني اعمل
معروف
انا غيرت العنوان
بقلم
احمد محمود
من ديوان بنا حروف
ليست هناك تعليقات:
إرسال تعليق