شعر:عبد خلف حمادة
||||||||||``````|||||||||||
يارب يللي كل المخاليج ترجاه
يارب عفوك للعاصين تمْناه
نفسي ويا الشيطان زادت ذنوبي
عبد ن ضعيف ن عيبه لاحگ هوَاه
ضاع العمر بالتسويف حَسبه ولاشات
والضاع صعب ن على المضياع يلگاه
مالي عضيدن أجودي من الرق أرجاه
ويفك أسيرن حز القيد يمناه
سود المعاصي غشَّت بحيل عيني
والگلب غافل ن واظلم ظلماه
فقير ن على الأبواب أمسيت شاحوذ
عود ن چبير ن لا وجهن ولا جاه
يمسي طريح الهم،مشغول بفكار
الروح ضاگت من كثر ماعظمت خطاه
راحت لياليه هدر ن لا مال عَگَّب
والحين نادم يبچي على ليلاه
حوَّاج كل المال بالدين لمه
بيَّاع ثلج ن في تموز بسطاه
لو حميَت الشمس تلوج روحه
تبچي عالراسمال(من حَرْگته)عيناه
ينخى الشواري بعالي الصوت شاچي
يا بشر ضاع الرزگ ياوين شرَّاه
حالي مثل حاله والوكت هدني
كبرت خسارة زول واكبر كبراه
هانت علي الروح ما جبت حگها
عگلي زغر،من شين دبري تاه
الموت أرسل رسايل صارت كذا مكتوب
وسنين مرت غفل يا ريتها رجعاه
يتمنى راعي الذنب،تُربان بكره يصير
تمناة أهل العجز،يوم الحشر ويلاه
خايف أعمالي المضت، بالگبر لو أمسيت
حيَّات سوده تنهش الجسم ويلاه
اعمال كلها رِيَا وذنوب مجتمعاتْ
چنها رماد و ذرو جدامها المذراه
يوم الحشر،والقضا،الشهود رجلي تصير
تشهد على زلتي ودرب ن مشت ممشاه
وايدي عليا تحچي بلسان مابو خوف
وتگول:دنَّس،سرگ. ياخيبة الخيباه
ساعة فضيحة وعنت واحگوك وحسابات
تحضر گضايا مضت،حسبتها ملغاه
أعضاء جسمي انطگت
بكل الجرا مني،
والعين زاد تحچي والرمش ماتخشاه
رحمن كرمى النبي تغفر لنا الزلات
ياربي مَيْة الوجه،والستر ذاك أرجاه
مَنَك وجودك رجا،وجنتك للموحدين
إنته الوعدت العبد،بتوبه الذنب تمحاه
توَّاب عبدك إجا
ومن الذنب خجلان
مكسور خاطر ترا،لو تگبلو علواه
_______________
مع تحيات الشاعر والكاتب عبد خلف حمادة
|||||``|||||``|||||``|||||||
ليست هناك تعليقات:
إرسال تعليق