"شعر "سعيد حمدى محمد
ازاي هاقولك وداع
وكيف يبقى الرحيل
وانا بهرب من عنيك
الاقيك...
في حلمي بناديك
يبقي الوداع مستحيل
مهما دمع عيوني يثور
وينزل على خدي قنايا
انت الساكنة جوايا
لفك بحنيني و مهجتي
ومداري عنك دمعتي
ومهما شوق البعاد يطول
لمسة كفوفك تكون دوايا
يا ام العيون العفية
رموشهم.اتحكموا فيا
خدوا قلبي وعصروه
توهوه في بحور الحنين
ومش طايل معديه
قبل ما اشوفك
وتجرحني رموشك
كنت اقوى الفرسان
اربعين سنة ....
وانا واقف في الميدان
لا هزمني حب
ولا رجفني حنان
ماهزني الا رمشك
النايم ع الخد نعسان
شعر :سعيد حمدي محمد
24/3/2024
ليست هناك تعليقات:
إرسال تعليق