صحيت الصبح بدري
لقيت النهار فرحان
واخدني عمال بيجري
بنصبح ع الغيطان
ونسمة فجر حلوة
هزت لينا الأغصان
صحت بلبل بغنوة
ورد عليه كروان
رجع ااطير المهاجر
قرب من الشطآن
رجع ابو قلب حاجر
بتحن ليه الأوطان
لقيتني واخد حنيني
طايرين سوا طيران
يا تعب عمري وسنيني
مشتاق انا الحيران
حيران ليه غبت عني
وعمري خلاص رهوان
تعالى يا ضلع مني
قفصي ناقص قضبان
رهنت برجوعك حياتي
والصك ع الحيطان
رجعت خلاص أمنياتي
وكسبنا سوا الرهان
يحيى حسين القاهرة
26 أغسطس 2025
ليست هناك تعليقات:
إرسال تعليق