زيك ف الكون لأ مش وارد
ومفيش ف جمالك ولا واحد
ياللي انت يا عمري شاغلني هواك
وبتوه وياك كده واتاخد
زيك ف الكون انسى تلاقي
وعشان كده قلبي عليك باقي
مانا اصلي عشقت يا عمري ملاك
عفة وأخلاق وجمال راقى
زيك ف الكون ده خيال علمي
ولا عمري هشوف حتى ف حلمي
وإن جيت تسألني عن الأسباب
راح أقولك دانا علمك علمي
لا ف قلب قصور ولا جوه كواخ
ولا ينفع فيك حتى استنساخ
يا ما دور قلبي عليك ولقاك
على ما وصلك كان لف وداخ
وردك بيفوح كده ع الملايين
ومفيش منك ولا ف البساتين
دانت خطفتني من يوم رؤياك
وسكنت ف قلبي وريد ووتين
أنا هفضل كده بهواك مفتون
ولا عمر عليا ف يوم هتهون
يا ملاك وأخدت القلب معاك
يا أبو أجمل قد وأحلى عيون
زيك ف الكون
بقلمي/ خالد جمال ٢٦/٨/٢٠٢٥
ليست هناك تعليقات:
إرسال تعليق