مين قدك
سنين و سنين
وأنا عارفك وانا شايفك
شوفت الدنيا في
ملامحك
وحب الدنيا في عيونك
يشاورلي بيندهلي
سنين فاتت سنين عدت
سنين ومشاعري جوايا
ولا ثانية
في يوم هدت
وأنا العاشق علي بابك
في محرابك ومين قدك
فاتح حضني لأحضانك
لا يوم صدك
بحبك حب خلاني
مش شايف حدا زيك
يغير الورد من لونك
ولون شفايفك الوردي
بغير عليكي من همسي
بغير حتي من لمسي
بغير عليكي من نظرة
اخدت منك ولو ثانية
ولو نظرة لملامحك
بحبك حب رباني
واه ياني من حبك
اللي خلاني
من بين نساء الكون
ما حبيت انا قدك
ياسمرة يا ام العيون السود
وجمال الرمش كان. عندك
ولأخر يوم في حياتي
يا حياتي اكون باقي علي
عهدك
لأنك ساكنة جوايا وبحبك
ومين قدك
بقلم
أحمد محمود
من ديوان سكة. العاشقين
ليست هناك تعليقات:
إرسال تعليق