عبدالمنعم عدلى..مصر
فوق التراب
ماشى وجنب الحيط
بيحسبنى الناس
إنى لسه عايش
ماشى وأنا ميت
الروح بعيد
عن أهل الظلم
والجسد لساه
عايش بلا روح
كان زمان
فيه إنسان
بيخاف على
إحساس الناس
وإنهاردة عايش إنسان
أقصد اللى
كان إنسان
ماشى وبيجرح
فى الغلبان
وماهمه دعوة المسكين
عامل خدود
الناس معديه
ومايدوس على
تراب الأرض
خايف على حذائه
ونسى إنه فى
النهاية على
الأرض يساوى الغلبان
فين مالك فين جاهك
عملوا ليك إيه
يخسارة ياللى
كنت إنسان
وإنت تمللى
غدار بالناس
ميت أنا
وماشى فوق التراب
وتمللى فاكر
إنى مخلوق
من تراب
بقلمى عبدالمنعم عدلى
ليست هناك تعليقات:
إرسال تعليق