كفاية يا قلبى حزن
خلتنى عايش ف سجن
مابشوفش الشمس
وقافل عليا بابى
مبقتش احسب الزمن
ولا فاكر ليا حتى وطن
جوايا ميت همس
وغرقان فى عذابى
نبضاتك جوايا بترن
نفسى عليا مره تحن
وتسأل فيا وتحس
بإللى راح من شبابى
الكفاية مكفتش الزمن
النهاية بدايه الكفن
حسابتها خارج السن
لا ليها صوت ولا ترن
مشفرة فى كتابى
يا قلبى كفاية حُزن
اللى باقى ع الصوابع
التقدير له الف تمن
والسيرة فى التواضع
وع وشك غلق حسابى
..................................
... د/ حسن الشوان 🇪🇬 ...
ليست هناك تعليقات:
إرسال تعليق