بقلم/نشأت البسيوني
في كل شارع في كل بيت في كل مكان فيه ناس ماشية وسط حياة صامتة ناس بيختبوا ورا وجوه مبتسمة ورا ضحكات بتخفي حزن عميق ووجع ماحدش يعرفه الناس دي عايشة وسط صراعات جوه نفسها صراعات مش بين حبيب ولا صديق لكن صراعات مع نفسها مع أيامها مع كل اللي حواليها مع الزمن اللي مش بيرحم كل لحظة بيعدي عليها وكأنها اختبار مستمر لحد ما الواحد يحس انه
خلاص وصل لحدود قدرته في لحظة بتكتشف ان الدنيا مش دايمًا عادلة ان الناس مش كلها صادقة وان الطيبة ساعات بتتحول لضعف وان الحب مش دايمًا موجود وان الفرح ساعات بييجي مغشوش وان الضحك مش دايمًا حقيقي والدموع مش دايمًا حاضرة لكنها جوه القلب مستمرة تنزف من غير ما حد يحس بها
المرأة اللي عايشة وسط كل ده اللي اتعلمت تصمد وتثبت وسط
خيبات الأمل وسط الظلم وسط الناس اللي ما بيهتموش بيها وسط الأيام القاسية علمت نفسها ان الصبر مش بس انتظار علمت نفسها ان القوة مش بس عضلات علمت نفسها ان القلب الكبير مش دايما ضعيف علمت نفسها ان الصمت مش دايما استسلام علمت نفسها ان كل مرة الدنيا ضربتها فيها لازم تقوم أقوى من قبل لازم تبني نفسها من جديد لازم تحمي روحها لازم تعرف قيمة نفسها حتى لو الكل
نسيها هي النهاردة واقفة وسط كل ده واقفة بروحها قلبها وعقلها ما بتستسلمش لأي ضغط ما بتخافش من صدمات جديدة ما بتديش فرصة لأي كلمة جارحة تكسرها ما بتخليش أي ظلم يأثر فيها علمت نفسها تفرق بين اللي واقف معاها واللي بيهرب لما الدنيا تتقلب علمت نفسها تعتمد على نفسها قبل أي حد علمت نفسها تبني طريقها مهما الدنيا حاولت تكسرها الحياة قاسية والناس ساعات
قاسية والأيام ممكن تكون أقسى لكن اللي صمد في كل ده هو اللي فعلاً عايش هو اللي عرف قيمة نفسه هو اللي بيصنع أمل جديد يوم بعد يوم رغم كل الصعوبات رغم كل الخيبات رغم كل الألم رغم كل الصمت اللي جواه
ليست هناك تعليقات:
إرسال تعليق