اعراض انسحاب بقلم نصر سيد بدر طلحه

اعراض انسحاب

انت ابتديتي تبعدى 

بعد اما كنت بتوعدى

بوعود كتير....

حاتكملي معايا الحياه..

وحااكون لتعبك منتهاه..

وتكوني ضهرى..والسند

وتكوني عوني..والمدد

قلت لي اني حااكون معاك

انا بوعدك.. انا حا اسعدك 

اقف في ضهرك..واسندك

انا امك .. اختك..زوجتك..

انا عاشقه طالبه محبتك..

افرد ايديك...

خدني في حضنك ضمني..

ولا حد غيرك ياحبيبي يهمني..

ولا حد قبلك ياحبيبي مسني..

          ودارت الايام

ثم ابتديتي في الغياب

حسيت باعراض انسحاب 

حسيت بان القلب شاب 

حسيت بان العمر داب

حسبت بوادر الاكتئاب. .

حسيت حركتك جوه قلبي 

بتاخدي حتي ضحكتك..

وتلملمي كل الكلام..

حتي السلام....

مافضلشي جوه القلب حتي كلمتين

وفضلت جوه القلب..

انتي ودمعتين..

بيسرسبوا جوه الوتين..

ورجعت انا زى زمان..

انسان هجين..من ماء وطين  

......... ...............

شعر/نصرسيدبدرطلحه القاهره

@اشاره@الجميع.