الغُربة نهشت مفاصلى
وسط جيرانى وأهلى
ومين بقا يسأل عليا
الخطووه بقت ع مهلى
والشجره بقت تندهلى
مستغربة قوى م شكلى
وأوراقها بتضلل عليا
الرحمه مبقتش أصلى
بقا منها فالصو مطلى
رحمة ربنا هى الأصلى
اللى فيها عطف وحنيه
ودايما إحساسها بيا
الغُربة نهشت مفاصلى
فيه منها مشوى و مقلى
والابيض بشوفه كحلى
والألووان غامقه ف عينيا
خايفه تحكى اللى فيا
والحروف بتفُر من إيديا
قلقانه قوى من جهلى
ومن كل اللى حوواليا
الغُربة إتسرسبت ف الوطن
وبقت فى أحضانه المحن
توجع وتمخمض فى البدن
والدموع جفت فى عينيا
غُربة الوطن مُره وصعبه
حسرة ما بعدها حسرة
البيوت مبقتش فيها صُحبه
وبقت فى أركانها ذكرة
والسواد شعشع فى الدنيا
......................................
.... د/ حسن الشوان / مصر....
ليست هناك تعليقات:
إرسال تعليق