لو مرة عليك جيت
أنا عارف يازمن إنك بتدفع التمن
لما علينا جورت ولفيت
لوحدك وغصب عنك مش باايديك
لكل من رخصتة ورخص فيك
زمن الكلاب فيه كتروا
زادوا وانتشروا
معلش يازمن الطيبة
مالكش في الزمان دا شيء
صبحت عليه القيمة من ولاد اللئيمة
اللي أخدوا كل حاجة حلوة فينا
وقبل مايمشوا سبولنا في العين دمعة حزينة
طالعة تشق الصدر أه عاملة علينا وليمة
من الوجع أوف يابا أوف خوف من جواه خوف
سببه مش معروف
علم وقال سلامات بعت الألم في كشوف
متسطر هنا بحروف من داخل المظروف
وأنا قلبي كان ملهوف
على عمري اللي ضاع مني
لناس عيشت ليهم وهما مش رحمني
يادمع عيني من الدموع خفي
ماتبوشيش وشي بالحزن والاسي تحفي
معلش يازمن
خليت للكلاب فيك قيمة
رفعتهم لفوق لفوق أوي
تشوفهم تقول نجوم سيما
على اسيادهم صوتهم ارتفع وعوو
وعويهم بحرقة من نار غيظهم دفينة
عايزني قال أدفع بدل منهم التمن
متقطع كلوني شوكة وسكينة
معلش يازمن
الطيب فيك ينداس
والندل فيك يتشال فوق الراس
ماهو كله بقا بالمقلوب
راس جزمة ولبسة مداس
معلش يازمن ضاع فيك إبن الناس
وسط القلوب العقيمة
بقلم عبد المنعم مرعي
ليست هناك تعليقات:
إرسال تعليق