كنت لقلبي وريد ووتين
عشت العمر بأنفاسك
شيلتك جوه حبابي العين
رمشي ده كانلك حراسك
سبت ايديا معاك الاتنين
سبت مشاعري لاحساسك
عمري ف يوم ما سألت لفين
كان تفكيري أنا من راسك
أصلي آمنت لوعد سنين
أصلي وثقت ف اخلاصك
سبت ف قلبك شوق وحنين
لهفة ووردة ف كراسك
فوت ف قلبي جراح وأنين
دُقت المر أنا من كاسك
خنت الوعد ف غمضة عين
جيت ع الطُهر بأنجاسك
واتنكرت لعشق سنين
ونسيت أصلك وأساسك
بس عشان كان قلبي امين
بدر ف ليلك وناسك
شفت شطانك جوه العين
واتجنبت أنا وسواسك
واتنبهت أنا بعشق مين
دق الغدر ف أجراسك
ندل وعشت الهوى وشين
سبت الماس لجل نحاسك
آه يا قليل الأصل يا شين
آه يا خسيس يا واكل ناسك
بقلمي/ خالد جمال ١٥/٤/٢٠٢٦
ليست هناك تعليقات:
إرسال تعليق