يا ريت ألاقي كلمة أوصف بها قلبك
فتّشت في كل القواميس ما لقيت
حاولت أجمع كل أوصاف الحلا
في سطر شعرٍ.. بس عجزت وما قدرت
لو قلت: طيب؟ القلب أطيب من كدا
لو قلت: أبيض؟ اللون فيك اتورّد
لو قلت: بحر؟ البحر جنبك ضحضح
ولو قلت: جنة؟ أنت للجنة المدد
دورت في معنى الحنان ولقيته
واقف على بابك.. يقول: أنا اتولدت
دورت في معنى الأمان ولقيته
ساكن عيونك.. من زمان واستوطنت
يا ريت ألاقي كلمة توفي جمالك
بس اللغات كلها قدامك انحنت
كل الحروف تصغر إذا مرّت عليك
وكل المعاني في حضورك أسلمت
قالوا: ملاك؟ قلت: الملاك بيتعلّم
من رقة إحساسك.. ويطلب معذرة
قالوا: قمر؟ قلت: القمر في ليلته
يسرق من نور جبينك.. ويسهره
تعبت أدور في القصايد والغزل
عن وصف يليق بمقامك ما وجدت
فرجعت أسأل قلبي.. قلبي اللي انكوى
بنار غرامك: أوصفه؟.. قال: انتحرت
يا ريت ألاقي كلمة أوصف بها قلبك
لكن خلاص.. سلّمت أمري واستسلمت
باختصر كل الكلام في كلمتين:
"سبحان من سوّاك".. وربي ما كذبت
محمد السيد حبيب 🌹
ليست هناك تعليقات:
إرسال تعليق