اول الرقص حنجلة
وأخر الزمر تيت
وتوب الرجولة أدب
مش رقص بالبرانيط
اسمع وأشتري مني
وأوزن كلامي ياعبيط
في. ناس كلامها حكم
وناس خيرها سكوت
والدنيا دي مدرسة
بإشارة كدا تفهمها
يا الضرب بالنبوت
توب المعلمة غالي
بالأدب تكون سيد
يا بلسانك تكون هلفوت
والدنيا لو حبتك
تجيلك وهي تختارك
ولو جار عليك الزمان
اخوك يصبح جارك
وكمان تموت ضحكتك
والحزن صبح جارك
بقينا في أخر زمن
بالمال تكون سيد
وللفقير ريحه وحشة
من الناس بيتعيب
واؤعا تأمن الدنيا
مهما تكون بهجتها
و منها تكون حريص
واعمل حساب غدرتها
واوعاك وظلم المرأة
وأعمل حساب عشرتها
بنت الرجال تخليك مستور
تصونك وتصون فرشتها
لو هتعيش بالعيش والملح
ما تفضح. ابدا عتبتها
اصل النساء ياولد اعتاب
خدها أصيلة وثبت عتبتها
أسمع كلام عمك
عمك محمد ابو سويلم
لو في يوم نزلت دموعك
بأيدك تكون مسحتها
بس خلاص
بقلم
احمد محمود
من ديوان. بنا حروف
ليست هناك تعليقات:
إرسال تعليق