عشان يهوِّس
ولما بشوفه بتاخد
عيون تهمس
وكحل جفونه نار قادت
عشان فِرود
وغيره يدوب ظهير تالت
ده متعود
يلاوع فيا ويعاند
عشان روحي اليه مالت
ولهفة قلبي ليه طالت
هيمشي والعيار فالت
عليا يا ناس يشوف نفسه
ده لما بشوفه قلبي يدق
خلاص قرب هدومه يشق
لو اندهله بيهمس طُق
بيتمنّع وعنده الحق
عشان بضعف قصاده وارق
هيتعبني عشان حَسُّه
يا واد قلبي خلاص هيفُك
عايز يهرب اليك ويفك
مناه يقفل عليك ويسك
يا واد عيني بشوق بتبُك
وليك روحي بترقص روك
بموت ف سكوته وف همسه
ولو عدى من الخطوة
بيتعبني واحس برعب
وأعصابي تسيب مني
ويخطفني بدقة كعب
واقوله شويه يا بني اهدى
بلا مناهدة
وهدِّي اللعب
ترد عنيه ماليش دعوة
ورمشه يقول
محال لأ صعب
شبعت انا صد وملاوعة
عشان بهوى
يا ناس م القلب
سقاني الويل
وشفت معاه نجوم الليل
ف عز نهاره وف شمسه
شايف نفسه
بقلمي/ خالد جمال ١٥/٥/٢٠٢٦
ليست هناك تعليقات:
إرسال تعليق