ياللي ٱسرني الهوى ف عيونك
ياللي النار والكوى ف جفونك
دانا من يوم ما قابلت عنيك
لما لمست الروح بايديك
خدني الشوق وبقيت مجنونك
قوللي ازاي يا ابو رمش مكحل
تاسى عليا تفوتني وترحل
دانا يا حبيبي ماليش بعديك
كنت وحيد وشريد قبليك
لو هتفوتني الروح يبقى اسهل
قوللي ازاي هتسيبني وتبعد
بعد ما عشت في قلبي بتسعد
ضي العين مايشوف غير بيك
حتى الروح بتحوم حواليك
يوم ما تهل عليها وتوعد
مين ف غيابك يابني هيقدر
يمحي الذكرى وشوق متقدر
مهما هشوف مش اكون غير ليك
دمع الهوى هيصير بعديك
زي النار ف القلب توَدَّر
دانا لو عشت العمر اتنين
قوللي هلاقي انا زيك فين
دانت محال احساس يساويك
او نسيان ييجي يوم يطويك
مهما تشوف بعديك العين
دانا لو هبكي عليك العمر
عمر الدمع ما يطفي الجمر
نار الهوى في القلب تئيد
حتى ان كنت عليا بعيد
مهما انا عدى في عمري ومر
عمر القلب عليك ما هيأسى
عمر الروح للعشق ما تنسى
انك كنت في غيمها النور
وف جنتها بناتها الحور
كنت ف عز طوفانها المرسى
مهما زماني عليا اتجبَّر
ذكرى هواك ف القلب تصبَّر
خط الهوى ويا الاحساس
قبلك كان مكتوب برصاص
بعدك جوه الروح اتحبَّر
دانا هوهبلك عمري الجاي
تبقى النجوى معاك سلواي
بعدك مش هتغني طيور
ولا هتفتح ليا زهور
دانت عليك راح يبكي الناي
قوللي ازاي
بقلمي / خالد جمال ١٨/٥/٢٠٢٦
ليست هناك تعليقات:
إرسال تعليق