خد يادكتور هاتلي أبرة
أبرة مسكن للصداع
من ناس كتير شاريين خاطرهم
للأسف الكل باع
فى البعاد حاسين أمانهم
وفى قربهم عايشين صراع
هاتلي حقنة فولتارين مع حبة أسبرين
يمحوا وجع له سنين
من عوازل كانوا لينا قرايبين
كنا نحسبهم أمان
وفى الحقيقة الكل خان
أكتب يادكتور اوصفلي حاجة للجشع تشفى الطمع بس بضمان
حاجة تخدر النفوس من مرض أسمه الفلوس
خلى القوي رغم الشريعة في الضلال ماشي بيدوس
حتى الأصول تاهت مابينا
والحدادي ساوت راسها بالطاووس
اللي احنا فيه هو الحقيقة
ولا عايشينه كابوس
هات جهاز محلول وكنلة
ناخد بيه دم جديد
نغير دم ناس وصحبة
كانوا ساكنين الوريد
ناس قلوبها القسوة غالبة
مصنوع قلوبها من حديد
مهما توصل ود ليهم
طبع الندالة مش جديد
هاتلي كيس فوار وريڤو
قلبي تم كل خوفه
ينجلط من خلفة طين
جيل المحزق والمقطع والملزق
وصمة عار فوق الجبين
جيل بينهش فى المروءة والرجولة
وصوت الفشل بقى له طنين
ولو علاجك مش هيجدي
قولى بس اروح لمين
يصالحني مع الحياة
واشتري حبة حنين
على كام حبة مودة
وأبتسامة وضحكتين
يداوولي وجع السنين
يمكن ساعتها أحس أن
الدنيا لسا فيها خير
قلم/نور الدين نبيل
٤/٥/٢٠٢٦
ليست هناك تعليقات:
إرسال تعليق