(خلاص جبر)
___________"
دا انت يا حبيبى..لا حس والا خبر.
تقلان علينا والا..قلبك خلاص جبر؟!
راح وقال عدونا..وفوق الجراح عبر؟!!
و يوم عينيك ماسابونا..بعيونى الدمع غمر؟!!!!
..وانت با حبيبى..لا حس ولا خبر..
.. تقلان علينا والا.. قلبك خلاص جبر؟!
أشتاقنا والله يامه....لنظرة وابتسامه.
ما كفايه تقل علينا..شبعنا ظلم وملامه..
حرمنا ليه من هواك..دا هوانا اشتاق لدفاك؟
وكل حاجه فينا..تتمنى ليك رضاك؟!
لو كنت بتلعب بينا..فاالصبر معانا صبر؟!!!
. .....وانت يا حبيبى..لا حس ولا خبر.....
.....تقلان علينا والا.. قلبك خلاص جبر.....
دااحنا ياعم غلابه..لا مكر ولا ذئابه.
وقلوبنا فيها طيبه..أطيب من الطيابه!!
يا سيدى كلمة منك..طمنا بيها عنك.
حسسنى انك شاريني..بين لى حسن ظنك..
.. . .. يا ابو قلب ما بين ضلوعى..قلبى بحبه عمر.....
......وانت يا حبيبى..لا حس ولا خبر.......
.......تقلان علينا والا.. قلبك خلاص جبر......
بقلم شاعر العامية.
السيد حسن السيد.
30/1/2021.
ليست هناك تعليقات:
إرسال تعليق