حبيس الزمن
زماني دمعتي بعيني حبسها
وهمومي فوق أكتافي كبسها
وتركني بنار أشواقي أعاني
وربط عاجوانحي وشدد مرسها
ران مسامعي أخرس لساني
وعيوني أطبق عليها وطمسها
جمعلي جيش أحزان وغزاني
بعدما استقصت خباري عسسها
عليي تقشعم وأوجف كياني
بقية جلود عاجسمي نهسها
بركني عافرش وهمي نساني
محى الآثار من فكري ودرسها
رسم تخطيط ينهي عنفواني
وحرابوا بكل عضو مني غرسها
ونهك ساعات عيشي بالأماني
واطلق شهيتي وحرر نفسها
سرق من كلمتي صرف المعاني
ونحاها بعكس ما لفظي همسها
مرمر عيشتي وأ عجل أواني
وعهود ال كان عاطيها دهسها
سلخني وعود وبفرنوا شواني
كرة صلصال وبرجلوا رفسها
حول دمعتي من دم قاني
منع فرحة ما توصلني وحرسها
أتيتوا بواسطة حبي وحناني
رفض المقابلة وضدي عكسها
أنا المجني عليه وصرت جاني
بشرع أهل المظالم وبهوسها
هيدي حالتي بعمري الأناني
لقمة فرحتي بهمي غمسها
عليي تسلط يعد الثواني
وحمل صينية تراحي تايرقص
بها ويشمت بأفراحي وعنسها
بقلم الحاج محمد سعيد
ليست هناك تعليقات:
إرسال تعليق