........... بغداد بتصرخ .......
أرض العرب بترتوي بالدم
والأرض بتبكي من الخراب
الموت علي ارضها ما بيتلم
وحزن الارض وصل للسحاب
بغداد بتصرخ من الألم
والورد بيموت علي التراب
الإرهاب تجاره ملهاش ذمم
والشعوب بتدفع الحساب
العراق الشقيق اهل كرم
ومكتوبين معانا ف الكتاب
أوجاعهم تزيد أوجاعنا ألم
وليه أحلام العروبه سراب
الديانات علي أرضنا علم
ولغتنا واحده في المحراب
ونخووة العزه جوانا همم
وليه نعيش ف أرضنا اغراب
أرضنا وهبها الله النعم
والخير فيها علي كل باب
إتحدوا وإقضوا علي الفتن
ونخوتنا تقضي علي الأحزاب
التاريخ واضح من زمن
كفايانا بقي قتل الشباب
الشعوب تاني بتدفع التمن
وأهالينا بيعيشوا في عذاب
كفايانا بقي سواد ومحن
كفايانا يطير فوقينا الغراب !!
...........................................
........ حسن الشوان ................
ليست هناك تعليقات:
إرسال تعليق