( قصة شعب )
بقلم/ محمد عباس
الاسماعيليه مصر
ثورة وثورة ووضع انهار
وصمود شعب من الاحرار
ازمة وفوضى مع الثوار
وقفة صحوة كبار وصغار
30 يونيو ارادة شعب
ايد مع ايد بتخطى الصعب
رغم ظروفنا رغم المنا
اتصدينا وبدون لعب
قلنا لابد نوفى الوعد
بارادة حرة نولنا املنا
رغم تفاوت كل البعد
كل هدفنا نحقق ذاتنا
عام عشرين ثلاثين ميلاديا
تخطيط لاجل مانبقى سويا
نهضة وشاملة وكل امالنا
نترك حلم جديد لعيالنا
انظر حالى عايزة عيالى
كلمة اسرة لاب وغالى
قائد وطنى لشعب جسور
بنيان صامد زى السور
ثورة شعب وشرطة وجيش
شهدا ء ضحوا لاجل نعيش
صانوا الارض وحفظوا العرض
تحية وطنى لشرطة وجيش
لمسة اب وفكر رئيس
وحياة كريمة وتطوير ريف
وعلاج مرضى ولقمة عيش
تامين ضامن شتاء اوصيف
جوايا صرخة تهز جبال
وظروفى صعبة واد الحال
عايز اتجوز وبدون مال
وادعى ربى يكون لى عيال
الله اكبر شعب وجيش
30يونيو نظام تاسيس
صوت بيحرك 100مليون
لما اتصدى هز الكون
وقف موكب وانزل يابنى
سواق توكتوك حاله عجبنى
عايز حاجة ناقصك حاجة
نفسي ياريس شقة لابنى
خدوا بياناته وادرسو حاله
لاجل مايفرح جنب عياله
راعى غلابة وحالات يامه
تحت الصفر عايشة جعانة
حالة خلع واقصى جروح
وضمير مات وصوته منبوح
قهر الاب ونفس وروح
قائد سامع بابه مفتوح
رؤية طفل لابد قضية
غابة ديابة وروح منسية
نكبة وورطة ونفس عفية
وصراع باقى هو وهى
ناس غلبانة وناس شقيانة
ناس بردانة وناس دفاينة
ناس غرقانة سيمون وفيليه
وناس احلامها تلاقى جنيه
عزة نفس وروح متهانة
بين اطماع لنفوس تعبانة
نهب وسرقة وحاجة جبانة
حلق حوش غدر و خيانة
واسودعايشة وناس متهانة
وقانون اسرة وكله ادانه
حقى وحقك مين الضامن
يوم الاخرة قصاص وامانة
بقلم محمد عباس
الاسماعيلية مصر
من ديوان سكة سفر
ليست هناك تعليقات:
إرسال تعليق