ليا زمان عاشق
فى خيالك
كل منايا
مد وصالك
والشوق على جفني
بيستنى
وعيوني تلمح
أوصافك
والتقل بتاعك
كان صنعة
وفرصك كلها
كات ضايعة
بتسلي فى وقت
ولينا بايعة
ونسيتي إن السوق
مليان
مش دايم حسنك
وجمالك
دا الفاكهة بيبقالها
ٱوان
لو عدى معادها
بننساها
وغيرها يتشال
ع الراس
كفياكي
لف ودوران
مش جاي
طالب إحسان
ولا جاي
واقف على بابك
مستني
عطفك وحنانك
بس العقل
صار حيران
ليه الدنيا
تملي شمال
اللي تحبة
تملي يبيعك
واللي تبيعة
بيتمناك
ويقولك حذر
من صاحبك
أما عدوك
سك ونام
هيا مشاعر الناس
فى أجازه
ولا العشرة ماعات
لها عازة
منك ياما اللي
حصلي
للفرض وللسنة
حصلي
ادعي لنفسي
بالنسيان
وأدعيلك
يشيلك زلزال
وطبيبك يحتار
فى علاجك
وسيرتي تكون
كل إزعاجك
ودواكي يكون
مني زواجك
وتشمت فيك العزال
نبيل عبد الحليم
١٩/٢/٢٠٢٢
ليست هناك تعليقات:
إرسال تعليق