أبدأ منين أتكلم
دا الفكر تاه واحتار
عن حبى ليكى يا أمى
مايكفنيش أشعار
وألاقى فين يا أمى
حضن بوسع الكون
يشتال الهم عنى
وأنام وأنا مطمن
وعينيكى تحرسنى
وإيد تطبطب على قلبى
والتانية تدعيلى
تقول نفسى أشوف
الفرحة مش سايعاك
والآهة مش شايفاك
والعمر لو ينفع
ما أَخَرُوش عنك
دا انت نور عينى
وحتى وأنا وحدى
شايفِك يا نور عينى
بترسميلى طريق
خالى من الضيق
والله الكلام عمره
مايكفى يا أمى
ولو هاعيش عمرى
خَدام تراب رجليكى
عمرى فى يوم ما أقدر
أوفى أنا دينك
ولو قعدت سنين
أوصف وأقول فى كلام
مايكفنيش يا أمى
أحب فيكى عمرى
وأقول أعيش فداكى
وبردوا ما يكفيش
وألاقي فين زيك
حضن بوسع الكون
كلماتى: بسمة سماح
ليست هناك تعليقات:
إرسال تعليق