نفسي اجري عامية مصرية
نفسي اجري و استخبى
جوا حضنك
و يقابلني نبض قلبك
بالسكينة و الأمان
نفسي اهرب - حتى لحظة -
و انسى كل الكون في حضنك
و المكان
نفسي ارجع للدفا
و انسى اني كنت بعدت عنك
لحظة واحدة
م الزمان
نفسي اشوف البسمة صافية
زي نور الصبح يملا الكون داكله
نور وبهجة
و السعادة تفيض كمان
نفسي اشوف الورد فتح
فوق خدودك
و امسح الدمعة
اللي فاضت من عيونك
بالمحبة و الحنان
نفسي اكون لك
زي ظلك
فين ما تمشي ح تلاقيني
و لو سواد الليل يطول
ح ابقى جنبك
و احضنك
و اسهر عليكي
لحد ما يودع سواد الليل
و نور الفجر يظهر
بالبيان
نفسي اكون
و تكوني لي
اليوم و بكره
و بعد كل الكون ما يفنى
و الزمان
يحيى اللبيدي.
ليست هناك تعليقات:
إرسال تعليق