* عاملي سي السيد *
............................
*وعاملي فيها سي السيد
يشخط وينتر ليل ونهار
لو مرة خارج بيسبسب
شعرة وعايشها برا هزار
*في البيت رافعلي حواجبينه
قال يعني قال مش عاجبينه
ويبص لينا بطرف عينيه
ويقول كلام مش عايزينه
*يدخل ويعمل قوي تعبان
من الشغل راجع عيني هلكان
وإن صاحبه قاله يلا هنخرج
يجري ويخرج كدا في الحال
*يؤمر وكل الأمر مجاب
ويبص لينا بلوم وعتاب
لو قلنا طب خليه لشويه
يخرج ويرزع قوي للباب
*لو شوفته برا تقول دا عليه
الواد كيوت قوي إبن الإيه
في كلامه يعمل جنتلمان
ومعانا عامل سيد بيه
#كرم ميخائيل
ليست هناك تعليقات:
إرسال تعليق