بس اتمنى أكون شاعر.
أنا مجرد قلم كتب إلى فى الخاطر .
يمكن اكون بقول كلام متعاد ..
بس كلام طالع من القلب يتذاكر.
ممكن تكون كلمه او جمله .
أو حكمه من الأجداد.
ممكن يكون شجن
ممكن يكون خيال .
او اى كلام عابر .
من زمان انا نفسى أقول إلى جوايا .
وأكسر قيود الخوف و الخجل إن عاد.
ما انا كنت عامل للناس خاطر .
أكتب يا قلم ✍ ...
ولا تنحاد عن الحق سنتى أو ملى .
ما أهو أصل صوت الحق جلاد .
و أنا فى الطبل و الهرى مش شاطر.
كنت أخاف اكتب الناس ميعجبهاش .
و يقولو بيقلد.
واقول اعقل يا واد وبلاش تخاطر.
تكنش فاكر نفسك الخال.
ولا جاهين و لا الجخ .
ولا يمكن العقاد.
أصل الشعر ده كيف .
و أخره طريق واعر
إلى يدوق لذته .
يبقاله زاد و زواد.
ان عدى يوم من غير ما يكتب بيت .
ما يبقى على النوم قادر .
و من الاخر . انا مش شاعر .
انا بأكتب إلى فى الخاطر
كلمات
هانى فتوح
ليست هناك تعليقات:
إرسال تعليق