بقلمي يحيى حسين
البحر ياما قال لي كلام
وكلام البحر أنا صدقته
بنسيمه أشواق وغرام
ياما حضنت نسيمه شهقته
على رمله رسمت أنا قلب
وبسهم من قلبي رشقته
جه الموج غواني بحلم
وجريت ورا حلمي سبقته
فجأة ببص ما لقيت القلب
والحلم ضاع من وقته
وموج البحر هناك ع الشط
غدار يا موج كده غرقته
ليه بإيديك إديتنا الحلم
وبنفس الإيد برضه خنقته
يحيى حسين القاهرة
26 أغسطس 2020
ليست هناك تعليقات:
إرسال تعليق