***** رحمتيني ******
إنتي حقيقي رحمتيني .....
لما فارقتي وسيبتيني
منك خلاص ... لاقيتلي مناص....
لا حب ليكي ولا إخلاص
إنتي حقيقي رحمتيني ....
لما بعدتي وباعدتيني
من إمتي كنتي اشتريتيني....
في ثانيا بعتي وبعتيني
عمر القلوب في يوم هتتباع ..
ولا حب يرجع بعد ما ضاع
من كتر ما انا شلت همومك ...
نسيت مين أنا وعشت ف يومك
شوقي وحنيني معدشي ليكي
خلاص فارقتك بلياليكي
الشاعر الغنائي / عرفات فرج الله بلبل
ليست هناك تعليقات:
إرسال تعليق