......بلا حلوين.......
بلا حلوين ما بتعيش متهني
هني الدني المزهرة هني
وهني السبب بسعادة الرجال
وهني اللي حرموا آدم الجنة
البيعامل الحلوين برقة ودلال
بينال منهن شو بيتمني
أما إذا بجورو عليهم مال
بيقلب ملاك العشق لاجني
بعمرا المرا بالعنف مابتنطال
إلا بغنج ودلال بلا منة
ما فيه غيرا للحمل شيال
الحمل بتشيل بروية وتأني
وبتشيل هم الدني المابينشال
وتبدل صريخ الوجع بالعنة
والدهر لو مرة عليها عال
بيصير الصبر إبنا بالتبني
ليبيفهموا طبع المرا شو قلال
كتار ال جاروا عليها بتجني
اسماع المتل يا صاحبي شوقال
الفهمان المرا بيعيش متهني
......بقلمي
الشاعر عيسى وسوف باظة
ليست هناك تعليقات:
إرسال تعليق