......وطني الغالي......
بناء الوطن بدو إرادة
وصمود وتضحية وصبر وجلادة
لحتاترجع الأوطان تعمر
بنوايا صافية وبيضا الأيادي
لحتا ينبنى وينما ويكبر
ملازم حدن يوقف عاحيادي
كل شخص خلق بالوطن مجبر
يدافع عنو وبروحو يفادي
بيبقى الوطن مهما تدمر
بشرط مايسقط بإيد الأعادي
كسر الوطن مو بالسهل يجبر
ومن قلب العدم عسرة الولادة
وفدا للوطن الذات تنكر
حقيقة ثابتة بأسس ومبادي
ولحتا النصر يبقى مسوكر
عقد الجرح من المفروض نكبر
النصر ما بتحرزو إلا الشهادة
......بقلمي
الشاعر عيسى وسوف باظة
ليست هناك تعليقات:
إرسال تعليق