الف أمنية والف حلم
جوايامات
وإيه هيفضل بعد موتي
غير شوية ذكريات
هو وقت ومش كتير
بيصغر البيت الكبير
مش هيفضل الا صوره
في الصالون
وقلة فاضية وكوبيات
من الأحلام اللي ماتت
وجواياسابت الف أه
كنا نقعد في العصاري
لمة حلوة وناس قلوبها
ورد أبيض في القصاري
الجحد لا الشر لا بس أه
والف أه
فرقتناالحياه
في اللي سافر ومعتش جاي
و الغالية والغالي بوفاة
والمندرة إتهدت واتقفلت
أوضة ماهي دي الموضة
اللي كان بالحضن ياخدك
دلوقتي مش هتشوف قفاه
والف أه عاللي مات
معتش باقي غيرعاهات
والجديد من عادات
أنا برئ والله منها لأني
متربي بحلال
أب كان فلاح وطيب
ما اخدتش حظه من الضلال
في زمن الناس الجمال
الست كانت ست بيتها
والأب كان زين الرحال
واسألوا عبور المحال
كان الجنيه بكام دولار
وبكام ريال دلوقتي مات
زي أحلامنا وشوية حاجات
وإيه هيفضل بعد موتي
غير شوية ذكريات
سيدحجازي
ليست هناك تعليقات:
إرسال تعليق