كفاية فراق ( العامية المصرية )
****************************
كفاية فراق الليل طويل والدمع حراق
كفاية فراق دا القلب عليل وكلو أشواق
الايام بعدت بينا مش زي باقي العشاق
تعالا ريح بالي وخلي يطول بينا العناق
*******
ليه سبت الايام ترمينا قوام انا وانت للاوهام
مش دا عشمي فيك وحياة عينيك مش كده بيكون الختام
بعدت وتعبتني قسيت عليا وسهرتني
يا ريتك ترحم اللي بينا مش بس كلام
تمشي وتنسى الليل والسهر والنجوم والسمر
وضي رفيقنا القمر ونور الشمس اللي انتشر
وبقى لهيب وحراق
*******
كفاية فراق الليل طويل والدمع حراق
*******
آهات ودمعات وانسان صار زي الاموات
أنين وحنين وقلب حزين وسكتت الأصوات
مين اللي قال القلب مال وتغيرت الأحوال
دا انت اللي ف البال وعشقتك من سكات
يا اغلى من كل نديم وأجمل من كل نسيم
فين حبك القديم ولا صار دا ماض وذكريات
وانت اللي كنت بهواك سباق
********
كفاية فراق الليل طويل والدمع حراق
*******
خليتني ادور ف البلاد مين زيك ف العناد
مش انت اللي قلت مش ح يكون بينا بعاد
بس انت ساعة حبيبي وساعة غريب
وانت مرة جرحي ومرة تانية انت الطبيب
حيرتني ورميتني للسهاد
هو في زيك بالدنيا قاسي ورقيق
هو في زيك عدو ليا وصديق
يا ريتك ترسي على بر دا القلب من عذابك اتكسر
وكثر الوجع فيه وزاد دلوقت عرفت بحر هواك غراق
*******
كفاية فراق الليل طويل والدمع حراق
*******
راح ارجع للندم ولليالي الآه والالم
ايه اللي فيا من عذابك سلم
وف الآخر مشيت بعيد عني ولا رديت
على كلمة مني على نظرة من عيوني
ممكن هو دا الحب من غير لقاء وقرب
انا نادم على كل ديك الساعات على الدمعات
على اللي فات من الزمن وف الاخر كان الفراق
*******
كفاية فراق الليل طويل والدمع حراق
كفاية فراق دا القلب عليل وكلو أشواق
*******
بقلمي محمد الباشا /العراق
ليست هناك تعليقات:
إرسال تعليق