يا ريت موت
ياريت كون مع هالميتين
بترتاح ياقلبي ضمن قبرك
بتموت.ويلي مات فيك عامين
بدك تتركو لامين من بعدك
......
قلتلها كرهان مليت هالعيشة
قهر وشقا والفقر والتعتير
وقديش صعبة اليوم هالعيشة
شقلبتنا والكبير صار صغير
.....
وكيف بدك ما إشتهي الموته
مخنوق مظلوم مقهور بلادي
كلو حزن مطرح ما بتفوتي
صارالتقشف مظهرو عادي
.......
تإبقى بهالدني ماتم في رغبة
لافرح لابسط ولا في كيف
ولقمة مغمسة بالدم شوصعبة
بتركض ويادوب تلحق هالرغيف
........
والجار مابقى يهتم لاجارو
ولاالخي عم يهتم لاخيو
شعب مقهور من كترة مصابو
كره حالو كره إمو كره بيو
......
البيموت من هالدني بيرتاح
قبرو عقدو ما حدى بيزاحمو
لاوجع لاهموم ولاجراح
عالقليلة الناس كلا بترحمو
.........بقلمي
الشاعر عيسى وسوف باظة
ليست هناك تعليقات:
إرسال تعليق