لا ترحلي......شعر عامي..
ياسارحة في نفق الأحلام
تركتي النور ومشيتي بالظلام
لا ترحلي
وحق الذي بصدرك ربي
وحق الهوا وليل الهوا
وسهرات عشناها سوى
لا ترحلي
عصفحة عيوني اكتبي
وعمرج صدري العبي
قلبي وطن عشق ومرجلة
وانت وانا عشبات اول مرحلة
بالحب نسقيها حكايا وترغلة
لا ترحلي
انت وانا والحب عنوان الدني
وحدة حال لا كذب فيها وبربكي
حب وحلا ودرغل بيغني حكي
ليش بدك تهربي وتتركيني للبكي
وتعيشي بانفاق الظلام ملبكي
لا ترحلي
انت وانا طفلان في عمر الهوا
وامي وامك بالعمر ربيوا سوا
وبيشهدوا عن حب عشناه سوى
ليش بدك من حياتي تهربي
ارجعي إلى حضن حبك والعبي
منكمل المشوار حاجي تتعبي
لا ترحلي وحياة الحب الذي بصدرك ربي
جرجس لفلوف سورية
ليست هناك تعليقات:
إرسال تعليق