.............
إحترت أنا
في أحاسيس هواه
والشوق بعيد عنه
لا شوفت منه غير وجع
لا لقيت حنان منه
قالولي أوشوش فى الودع
وأشكي فى بعاد وده
والليل مابينا لا عاد وصل
طفى الشموع صده
قربت من قلبه أسأله
قالي إنشغل وده
ولا عدش فيه ليكي مكان
باب الهوى سده
مشيت ألملم فى الألم
مصدومه من رده
لا دموعي طفت نار قساه
عشيمني خان وعده
تاهت ملامحي مين أنا
حزن السنين عدوا
قلبي ورجعت دقته روحي وحياه ردوا
وفى يوم لمحني نور أمل
قلبي عشق وده
مد أيديه بشوق الجدع
وعيوني ليه إتشدوا
حضني ليله فى ثوب أمان
وغصوني ليه إتمدوا
حبيته وفيه مليون سبب
أنسى اللي باع وده
بقلم .. صبري رسلان
ليست هناك تعليقات:
إرسال تعليق