ماتيجي نخون أنا وأنت قرار جاهل
نخون الغيبة من تاني ونتقابل
نخون يعني قرار البعد وخصامنا
لأنه بجد عمرُه ما كان في يوم عادل
ماتيجي نخون قرار إعدامنا للأشواق
ونرجع تاني أنا وأنت بقى عُشِاق
تحس بنبض قلبي لما يشتاقلك
وتستناني لما أرجع وأنا مشتاق
ماتيجي نخون ساعات الهجر والحرمان
نبدّلها أنا وإنت بشوق وحنان
ماتيجي نبدّل الكّفة لصالحلنا
نعيش ونكمّل الرحلة في أي مكان
ماتيجي نخون حاجات علينا ممنوعة
خيانة الظلم يعني خيانة مشروعة
نعيد من تاني ضحكتنا اللي يوم ماتت
ونبدأ رحلة تانية وراسنا مرفوعة
بقلمي عبدالحميد وهبه
ليست هناك تعليقات:
إرسال تعليق