ألبوم صور (626)
..............
خايفه ياخدني الماضي
وأفتكر اللي فات
خايفه بأيدي تتفتح
الذكريات
ألبوم صور كله دموع
والفرحه غابت فى الرجوع
ببكي على عمري اللي ضاع
نصه إتسجن فى ألبوم وداع
كل صوره بتحكي معنى
عارفه حالنا وفين وجعنا
مين اللي شاري
ومين اللي بايع
واللي عشقه
يشوف دموعنا
حب زايف زاد ألمنا
والآنين كتماه في ضلوعي
خدت نفسي وقولت هنسى
ماضي باقي وضي ونسه
عتمه طله في قلبي قاسمه
من الوجع ألوانه راسمه
صورة باكيه وصورة باسمه
والفرح مليش فيه قسمه
غير دموعي ما أفتكر
راح وتاه فيها اللي راح
عمر محبوس بين جدارك ذكرى قاسيه لثوب جراح
والدموع على خدي تسأل فرحنا
ليه فاتنا راح
فايته حكايات
لسه عايشه وغيرها دبلت
وردها جوانا مات
أوقات تغيب عننا
وبتيجي ساعات
كنت نسيتك يا وجع
والدمع فاتني ما رجع
رممت قلبي اللي إتصدع
وهعيش خلاص من غيرصور
وهقفل بأيدي ع الوجع
ونسيت خلاص
ألبوم صور فيه ذكريات
بقلم .. صبري رسلان
ليست هناك تعليقات:
إرسال تعليق